Ration Card eKYC: શું તમારે હજી રેશનકાર્ડ eKYC કરવાનું બાકી છે? હવે ઘેર બેઠા તમારા મોબાઇલથી રેશનકાર્ડ સાથે આધારકાર્ડ ઈ-કેવાયસી કરવું એકદમ સરળ બન્યું છે.
Ration Card eKYC: તમારા રેશન કાર્ડમાં સમાવિષ્ટ તમામ સભ્યોનું કેવાયસી (KYC) હોવું જોઈએ. કોઈપણ સભ્ય કે જેનું કેવાયસી પૂર્ણ થયું નથી તો તેને રાશન મળવાનું બંધ થઇ શકે છે.
Ration Card eKYC
તમારે રેશનકાર્ડ ઈ-કેવાયસી કઈ રીતે કરવું? અને એ પણ ઘેર બેઠા રેશનકાર્ડ ઈ-કેવાયસી કઈ રીતે કરવું અમે અહી તમને આ લેખમાં જણાવીશું. જે એકદમ સરળતાથી ઘેર બેઠા તમે તમારા મોબાઇલથી કરી શકશો. અને તેનો વિડીયો પણ નીચે આપી રહ્યા છીએ.
શું તમારે રેશનકાર્ડ KYC કરવું છે?
આ માટે સરકારે MY Ration એપ તૈયાર કરેલ છે, જે આપ સોને સરળતાથી ગુગલ પ્લે સ્ટોર પરથી મળી જશે. જેમાં તમને ઘણી બધી સેવાઓ મળી રેહશે, ઘણા ગ્રાહકો હજી આ સુવિધાથી અળગા હશે અથવાતો તેમને આના વિષે કોઈ જાણકારી નહિ હોય.
MY Ration App દ્વારા ગ્રાહક તેમને મળવાપાત્ર જથ્થો તેમજ રસીદ પણ જોવા મળે છે. તેમજ રેશનકાર્ડને લગતી સેવાઓ જેમકે આધાર અને મોબાઈલની સ્થિતિ, જાહેર વિતરણ વ્યવસ્થા, આધાર E-KYC, અનલીંક મોબાઇલ, અનલીંક આધાર તેમજ અન્ય સેવાઓ ઘેર બેઠા આપને આપના મોબાઈલથી મળી રહેશે.
KYCનું ફુલ ફોર્મ છે નો યોર કસ્ટમર, એટલે કે પોતાના ગ્રાહકને ઓળખો. Ration Card eKYC પ્રક્રિયામાં આધાર કાર્ડ અને મોબાઈલ નંબર લિંક કરવામાં આવે છે. તેના દ્વારા રેશનકાર્ડનો લાભાર્થી સાચો છે તેની ચકાસણી કરવામાં આવે છે. હાલમાં ઘણા એવા રેશનકાર્ડ છે જેની વાસ્તવિક ઓળખ નથી.
Ration Card E-KYC કરતી વખતે જે વ્યક્તિનું આધાર વેરીફીકેશન કરતા હોય ત્યારે કદાચ કોઈ એરર આવે તો થોડા સમય બાદ એક વાર ફરીથી ટ્રાય કરવી. અથવા તો એવું પણ બને છે કે આધારકાર્ડ માં કોઈ જુનો મોબાઇલ નબર દાખલ કરેલો હોય અને હાલ તમારી જોડે એ નંબરના હોય તો સૌ પ્રથમ તમારે આધારકાર્ડમાં મોબાઇલ નંબર અપડેટ કરવો જરૂરી છે.
Ration Card E-KYC કઈ રીતે કરવું?
સ્ટેપ 1. સૌ પ્રથમ તમારે MY Ration એપ્લીકેશન ગુગલ પ્લે સ્ટોર પરથી ડાઉનલોડ કરવી પડશે.
સ્ટેપ 2. હવે જે નામનું રેશનકાર્ડ છે તેમનો મોબાઇલ નંબર દાખલ કરો ત્યારબાદ એ મોબાઈલ નંબર પર OTP આવશે તેનાથી વેરીફાય કરો
સ્ટેપ 3. હવે ત્યારબાદ પ્રોફીલમાં જઈને પાસવર્ડ સેટ કરો તેમજ રેશનકાર્ડ લીંક કરો.
સ્ટેપ 4. આ કર્યા બાદ હોમપેજ પર જઈને આધાર E-KYC ઓપ્શન સિલેક્ટ કરવું પડશે.
સ્ટેપ 5. હવે એક નવો વિન્ડો ઓપન થયો હશે તેમાં આધાર ફેસ રીડર AadhaarFaceRD App ની લીંક આપેલ હશે તેને ડાઉનલોડ કરી લ્યો, તે મોબાઇલમાં ક્યાય શો થશે નહિ.
સ્ટેપ 6. ત્યારબાદ નીચે ચેક બોક્સ પર ક્લિક કરીને કાર્ડની વિગતો મેળવો બટન પર ક્લિક કરવું.
સ્ટેપ 7. ત્યારબાદ નવી વિન્ડો ઓપન થશે જેમાં તમને તમે જે રેશનકાર્ડ લીંક કર્યું છે તેનો નંબર દેખાશે અને તેની નીચે એક કોડ આપ્યો હશે તે બાજુના ખાનામાં દાખલ કરો અને કાર્ડના સભ્યોની વિગત મેળવો બટન પર ક્લિક કરો.
સ્ટેપ 8. હવે એક નવો વિન્ડો ઓપન થયો હશે જેમાં રેશનકાર્ડમાં જે સભ્યોના નામ છે તે અહી દેખાશે અને દરેક નામ સામે E-KYC યસ કે નો દેખાશે.
સ્ટેપ 9. હવે જે નામ સામે નો લખેલું દેખાય છે તેને વેરીફાય કરવા માટે આધાર E-KYC માટે સભ્ય પસંદ કરો બટન પર ક્લિક કરો અને તેમાંથી નામ સિલેક્ટ કરીને આ સભ્યમાં આધાર E-KYC બટન પર ક્લિક કરો.
સ્ટેપ 10. હવે જે નવો વિન્ડો ઓપન થયો તેમાં સંમતી સામે ચેક બોક્સ પર ક્લિક કરીને OPT જનરેટ કરો બટન પર ક્લિક કરો અને ત્યારબાદ OTP દાખલ કરીને તેને વેરીફાય કરો વેફીફાય કરો.
સ્ટેપ 11. OTP દાખલ કર્યાબાદ આધારફેસ રીડર એપ ચાલુ થશે અને જે વ્યક્તિનું વેરીફાય કરવાનું છે તેની સેલ્ફી લેવી જે એક ગ્રીન કલરમાં રાઉન્ડ થવું જરૂરી છે (આંખને પલકાવી જરૂરી છે)
સ્ટેપ 12. ગ્રીન કલરનું રાઉન્ડ થઇ ગયા બાદ જે વ્યક્તિનું વેરીફાય કરશો તેની ડીટેલ આવશે ત્યારબાદ ચેકબોકસ પર ક્લિક કરીને સબમિટ કરી દયો, ત્યારબાદ સક્સેસફૂલ મેસેજ આવશે.
કોઈપણ સભ્ય કે જેનું Ration Card eKYC પૂર્ણ થયું નથી તો તેને રાશન મેળવવાનું બંધ થઈ શકે છે. તેથી પહેલા તમારા રેશન કાર્ડમાં સમાવિષ્ટ તમામ સભ્યોની KYC સ્થિતિ તપાસો અને જો કોઈ સભ્યનું Ration Card eKYC ન થયું હોય તો તેને ચોક્કસપણે અપડેટ કરાવો