jio Starlink Deal: હવે દેશની સૌથી મોટી ટેલિકોમ કંપની જિયોએ પણ ઈલોન મસ્કની કંપની સ્ટારલિંક સાથે સેટેલાઇટ ઇન્ટરનેટ માટે કરાર કર્યા છે વાંચો સંપૂર્ણ વિગત નીચે આપેલ છે.
આવી રહ્યું છે સેટેલાઇટ ઇન્ટરનેટ
સ્ટારલિંક વિશ્વભરના 100થી વધુ દેશોમાં સેટેલાઇટ દ્વારા ઇન્ટરનેટ ની સેવા આપે છે. સ્ટારલિંક પાસે પૃથ્વીની નીચી ભ્રમણકક્ષામાં 7 હજારથી વધુ સેટેલાઈટનું વિશ્વનું સૌથી મોટું સેટેલાઈટ નેટવર્ક છે. સ્ટારલિંક ઇન્ટરનેટ દ્વારા સ્ટ્રીમિંગ, ઓનલાઈન ગેમિંગ, વીડિયો કોલ સરળતાથી કરી શકાય છે.
જિયો અને સ્પેસએક્સ સ્ટારલિંક વચ્ચે ડિલ : Jio Starlink Deal
સ્પેસએક્સ સ્ટારલિંક સાથે કરાક અંગે રિલાયન્સ જિયો ગ્રૂપના સીઈઓ મેથ્યુ ઓમેને કહ્યું કે, અમારું લક્ષ્ય દરેક ભારતીયને સસ્તી અને ઝડપી ઈન્ટરનેટ સેવા ઉપલબ્ધ કરાવવાનું છે. સ્ટારલિંક સાથેની આ ભાગીદારી અમારી પ્રતિબદ્ધતાને વધુ મજબૂત બનાવે છે.
સ્ટારલિંક સાથે એરટેલે પણ કરાર કર્યો
ગઈકાલે એટલે કે 11 માર્ચ 2025 મંગળવાર ના રોજ ટેલિકોમ કંપની ભારતી એરટેલે અમેરિકન કંપની સાથે કરાર કર્યો હતો. મંગળવારે રોજ સ્ટોક એક્સચેન્જ ફાઇલિંગમાં એરટેલે આ માહિતી આપી હતી.
સ્પેસએક્સના પ્રમુખ અને ચીફ ઓપરેટિંગ ઓફિસર ગ્વિન શોટવેલે જણાવ્યું હતું કે અમે જિયો સાથે કામ કરવા અને ભારત સરકાર તરફથી સ્ટારલિંક સેવાઓ પૂરી પાડવાની પરવાનગી મેળવવાની રાહ જોઈ રહ્યા હતા. સ્ટેરલિંક લો અર્થ ઓર્બિટ સેટેલાઇટનો ઉપયોગ કરીને દુનિયાભરમાં હાઇ સ્પીડ ઇન્ટરનેટ પ્રદાન કરે છે અને જિયો સાથેની અમારી ભાગીદારી ઇન્ટરનેટને ભારતના દરેક ખૂણે અને ખૂણે લઈ જશે.
જો કે હજુ ભારત સરકારની મંજૂરીની રાહ જોવાઇ રહી છે. ભારત સરકાર તરફથી મંજૂરી મળતા જ ભારતમાં સ્ટારલિંકની સેવા શરૂ થશે. રિલાયન્સ સ્ટારલિંકને ડિવાઇસની સાથે સાથે હાર્ડવેર અને ઇન્સ્ટોલેશનમાં પણ મદદ કરશે. એવી અપેક્ષા રાખવામાં આવી રહી છે કે ટૂંક સમયમાં જ સ્ટર્લિંકને ભારત સરકારનું લાઇસન્સ મળી જશે.