રોહિત શર્મા : ઇન્ડિયન એક્સપ્રેસને જાણવા મળ્યું છે કે રોહિત શર્મા ઓસ્ટ્રેલિયા પ્રવાસ બાદ રેડ-બોલ ક્રિકેટ માટે પસંદગીકારોની યોજનાનો હિસ્સો નથી. સિડની ટેસ્ટ પહેલા તેને આ વિશે જણાવી દેવામાં આવ્યું હતું
કેપ્ટન રોહિત શર્મા ચર્ચાનું કેન્દ્ર બનેલો છે. રોહિત શર્માએ સિડની ટેસ્ટ ન રમવાનો નિર્ણય કર્યો, ત્યારબાદ સમાચાર આવવા લાગ્યા કે તેની લાંબી ફોર્મેટ કારકિર્દીનો અંત આવી ગયો છે.
IND vs AUS: ભારતીય ટીમના નિયમિત સુકાની રોહિત શર્માએ સિડની ટેસ્ટમાંથી ખસી જતાં નિવૃત્તિની અટકળોને વેગ આપ્યો હતો. ઘણા અહેવાલમાં દાવો કરવામાં આવ્યો છે કે રોહિત શર્મા તેની છેલ્લી ટેસ્ટ મેચ રમી ચૂક્યો છે અને તે હવે માત્ર ODI ફોર્મેટ પર ધ્યાન કેન્દ્રિત કરશે. જો કે, રોહિત શર્માએ સિડની ટેસ્ટના બીજા દિવસે નિવૃત્તિના સમાચાર પર પોતાનું મૌન તોડ્યું અને જણાવ્યું કે તે સિડની ટેસ્ટમાંથી કેમ બહાર છે.
રોહિત શર્મા : સિડનીમાં ચાલી રહેલી બોર્ડર-ગાવસ્કર ટ્રોફીની ત્રીજી ટેસ્ટના પ્રથમ દિવસે ભારતીય ખેલાડી રાષ્ટ્રગીત માટે લાઈનમાં ઉભા રહ્યા હતા ત્યારે રોહિત શર્મા ગેરહાજર જોવા મળ્યો હતો. આ પછી તે ડ્રેસિંગરુમની બહાર એક જગ્યાએ બેઠેલો જોવા મળ્યો હતો. તે કદાચ ગયા અઠવાડિયે મેલબોર્ન ક્રિકેટ ગ્રાઉન્ડ પરની છેલ્લી ક્ષણને યાદ કરી રહ્યો હશે. સફેદ જર્સીમાં ભારત માટે આ તેની છેલ્લી મેચ હતી.
ઇન્ડિયન એક્સપ્રેસને જાણવા મળ્યું છે કે રોહિત શર્મા ઓસ્ટ્રેલિયા પ્રવાસ બાદ રેડ-બોલ ક્રિકેટ માટે પસંદગીકારોની યોજનાનો હિસ્સો નથી. સિડની ટેસ્ટ પહેલા તેને આ વિશે જણાવી દેવામાં આવ્યું હતું. ઓસ્ટ્રેલિયા પ્રવાસ બાદ પસંદગીકારો વિરાટ કોહલી સાથે ભવિષ્યની ચર્ચા કરશે તેવી માહિતી પણ મળી છે. ભારતીય ટીમ તેના મોટા પરિવર્તન તબક્કામાં પ્રવેશવાની તૈયારીમાં છે. ટીમમાં અન્ય એક સિનિયર ખેલાડી રવિન્દ્ર જાડેજા આ યોજનામાં રહેશે અને પરિવર્તનના સમયમાં ઓલરાઉન્ડરની હાજરીને મહત્વ આપવામાં આવી રહ્યું છે.
રોહિત ફોર્મ સારુ રહ્યું નથી
રોહિત શર્મા છેલ્લા કેટલાક સમયથી ખરાબ ફોર્મથી ચાલે છે હાલમાં ચાલી રહેલી બોર્ડર-ગાવસ્કર ટ્રોફીમાં તેને 3 ટેસ્ટમાં માત્ર 31 રન બનાવ્યા છે. આ આંકડાઓને જોતા રોહિત પર ટીમમાં અન્ય કોઈને જગ્યા ખાલી કરાવવાનું દબાણ વધી રહ્યું હતું. સિડની ટેસ્ટ પહેલા રોહિત શર્માએ પ્લેઈંગ 11માંથી ખસી જવાનો બોલ્ડ નિર્ણય લઈને બધાને ચોંકાવી દીધા હતા. ત્યારબાદ સમાચાર આવ્યા કે રોહિત ટૂંક સમયમાં ટેસ્ટ ક્રિકેટમાંથી નિવૃત્તિ જાહેર કરશે.
રોહિત શર્માના સિડનીમાં ન રમવાના કિસ્સામાં એવું લાગી રહ્યું છે કે મુખ્ય પસંદગીકાર અજીત અગરકર સાથેની મિટિંગ બાદ ખેલાડી અને હેડ કોચ ગૌતમ ગંભીરે આ નિર્ણય લીધો છે. રોહિત શર્મા આ સિરીઝમાં સંઘર્ષ કરતો જોવા મળ્યો હતો. તેણે 3, 6, 10, 3 અને 9ના સ્કોર બનાવ્યા છે. મેદાન પર કેપ્ટનશિપમાં તેનો આત્મવિશ્વાસ ઓછો જણાતો હતો. આવી સ્થિતિમાં રોહિતને આરામ આપવાનો કે બહાર કરવાનો નિર્ણય ચર્ચાનો વિષય નથી.
ભારતીય કેપ્ટન રોહિત શર્માએ સિડની ટેસ્ટના બીજા દિવસે નિવૃત્તિની વાતોને ફગાવી દીધી હતી. લંચ બ્રેક દરમિયાન પ્રસારણ ચેનલ સાથે વાત કરતી વખતે, તેણે કહ્યું કે તે નિવૃત્તિ લઈ રહ્યો નથી અને તે શું કરી રહ્યો છે તે જાણવા માટે તે પૂરતો પરિપક્વ છે. જો કે, રોહિત શર્માએ નિવૃત્તિના સમાચારને ફગાવીને તેના ચાહકોને ખુશ કર્યા છે.
રોહિત શર્માએ કહ્યું કે, મેં આ ટેસ્ટમાંથી મારું નામ પાછું ખેંચી લીધું છે, પરંતુ હું ક્યાંય જવાનો નથી. આ સન્યાસ કે ફોર્મેટથી દૂર જવાની વાત નથી. કોઈ વ્યક્તિ માઈક, પેન કે લેપટોપ વડે શું લખે કે બોલે તેનાથી કોઈ ફરક પડતો નથી. તેઓ અમારા વિશે નિર્ણય કરી શકતા નથી. સિડની આવ્યા પછી મેં પ્લેઈંગ 11 માંથી ખસી જવાનો નિર્ણય કર્યો. હા, રન નથી બની રહ્યા, પરંતુ બે કે છ મહિના પછી તમે રન બનાવી શકશો નહીં તેની કોઈ ગેરંટી નથી. હું શું કરી રહ્યો છું તે જાણવા માટે હું પૂરો પરિપક્વ છું.
રોહિત શર્માનો ઇન્ટરવ્યુ જોયા બાદ ફેન્સ સોશિયલ મીડિયા પર તેના જોરદાર વખાણ કરી રહ્યા છે. ઘણા યુઝર્સે રોહિત શર્માને નિઃસ્વાર્થ કેપ્ટન કહીને સલામ કરી છે. ઘણા યુઝર્સે રોહિત શર્માનો ફોટો શેર કર્યો છે, જેમાં બ્રોડકાસ્ટરે કેપ્શન લખ્યું છે – મેં સંન્યાસ લીધો નથી, હું ફક્ત આ મેચમાંથી બહાર આવ્યો છું. રોહિત શર્માના ચાહકોને આશા છે કે હિટમેન જલ્દી જ જોરદાર વાપસી કરશે.
સિડનીમાં ટોસ વખતે બુમરાહે ગુરુવારે ઇન્ડિયન એક્સપ્રેસના રોહિત શર્માના બહાર બેસવા અંગેના અહેવાલની પુષ્ટિ કરી હતી. બુમરાહે કહ્યું તે દેખીતી રીતે જ, અમારા કેપ્ટન (રોહિત)એ પણ તેમની નેતૃત્વ ક્ષમતા દર્શાવી છે. તેમણે આ રમતમાં આરામ કરવાનો વિકલ્પ પસંદ કર્યો છે. તો તે બતાવે છે કે અમારી ટીમમાં ઘણી એકતા છે. સ્વાર્થ નથી. જે પણ ટીમના હિતમાં છે, તે અમે કરવાનો પ્રયાસ કરી રહ્યા છીએ.
મોટો સવાલ એ છે કે જો ભારત ડબલ્યુટીસી ફાઇનલમાં પહોંચે છે તો શું ટેસ્ટમાંથી ડ્રોપ કરવામાં આવેલો કેપ્ટન ટીમમાં પાછો ફરી શકે છે. જેમ જેમ પરિસ્થિતિ આગળ વધે છે તેમ તેમ તે અશક્ય છે, કારણ કે રોહિત પાસેથી આગળ વધવાના નિર્ણયમાં પસંદગીકારો એકમત છે. 50 ઓવરના ફોર્મેટમાં આગામી ચેમ્પિયન્સ ટ્રોફીના સંદર્ભમાં ભારત પરત ફરવા અંગે ચર્ચા થશે